hai haal-e-dil bohot chupana mushkil
aur zubaan se bhi hai batana mushkil
jo dil naa lage to kuch bhi banana mushkil
aur phir ek jagaan main dil lagana mushkil
kya sunaen rudaad-e-husn-e-koh-e-yaar
ek baar gar gae to hai aana mushkil
kya samjhte ho tum ke hum nahin samjhte
humse baat hai bohot chupana mushkil
aise haalat se guzar huwa tha humhe
ke khush bhi hoon to muskuraana mushkil
hai mushkil bohot udhar tak pohonchna
aur idhar tak unka hai aana mushkil
ye acha hai tum roo ke bhool jate hoo
humare liye hai aansoo bhi bahana mushkil
bohot himmat chahiye naam unka leke ko
haan mushkil hai unhe bulana mushkil
kab socha tha itne imtihaan honge
ye wafa bhi bohot hai nibhana mushkil
naa bichre koi yaa rab kissi se
kyunkii bichron ko hai milana mushkil
sunate rehte hain anjaam-e-tark-e-ishq
par humhe bhi to hai darana mushkil
bolte rahiye shyad aap kamiyab hojaen
waise humhe hai bohot samjhana mushkil
Deewan:
Ishq-e-Mohsin